Кой-Таш окуясында жапа чеккен Самат Курманкулов Москвага дарыланууга кетти
3075
Кой-Таш окуясында жапа чеккен Чүй ОИИББдин мурдагы башчысы, генерал-майор Самат Курманкулов дарылануу үчүн Москва шаарына кетти. Бул туурасында Жогорку Кеңештин депутаты Жеңишбек Токторбаев социалдык тармактагы баракчасына жазды.
Айтымында, 21-январда Курманкулов Москвадагы Калыбына келтирүү борборуна дарыланганы учту.
"Эсен-аман жетип, жакшы дарыланып келсин. Кудайым шыпаа берип, батыраак сакайып кетсин. Колдоо көрсөткөн Тышкы иштер министри Жээнбек Кулубаевге, Кыргызстандын Россиядагы элчиси Гүлнара-Клара-Саматка жана "Манас" аэропортунун жетекчисине ыраазычылык билдирем", - деп айтылат билдирүүдө.
Белгилесек, былтыр ноябрь айында парламентте депутаттар бир күндүк эмгек акысын Курманкуловго котормой болушкан.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://takprosto.kaktus.media/10019
