"Аферист". Депутаттар президенттин Ош облусундагы өкүлүнүн кызматтан кетишин талап кылышты
Жогорку Кеңештин 16-марттагы жыйынында депутаттар президенттин Ош облусундагы ыйгарым укуктуу өкүлү Зиядин Жамалдиновдун ишин сынга алышты.
Анда депутат Шайлообек Атазов ыйгарым укуктуу өкүл парламентарийлердин социалдык тармактардагы сындарына жооп бере баштаганын билдирди.
Буга чейин дагы бир депутат Жусупбек Коргонбай уулу белгилегендей, 2021-жылы Ош облусунун губернатору Абдыш-Атага тиешелүү болгон токой чарбасынын жерин үйү менен кошо иниси Арапбай Жамалдиновго өткөрүп берген.
Депутат Балбак Түлөбаев кесиптештерин колдоп, Жамалдинов бул мандатты бошотушу керектигин кошумчалады.
"Кызматына мураскерлик менен келдиби? Кызматын бошотсун. Ал өзүнүн жүрүм-туруму менен бүтүндөй министрлер кабинетинин намысына шек келтирип жатат", - деп ачууланды.
Надира Нарматова дагы чиновникти сынга алды.
"Сиз мени жакшы билесиз, мен ар дайым адилеттүүмүн. Бирок ал мени жамандап жатат. Мен Зиядин Исламовичти өз ыйгарым укуктарынан пайдаланган коррупционер деп ойлочумун. Бирок ал алдамчы, жана аферист экен. Мен Ноокатта бир сантиметр жер сураган эмесмин.Президенттин атын булгап жатат",-деди ал.
Башкы беттеги сүрөт иллюстрациялык, today.kg.
