Жогорку Кеңеш министр кызматына Мелис Тургунбаевдин талапкерлигин жактырды
16-мартта Жогорку Кеңеш жыйынында Жаратылыш ресурстары, экология жана техникалык көзөмөл министринин милдетин аткаруучу кызматына Мелис Тургунбаевдин талапкерлигин колдоду.
Эске салсак, 15-мартта Динара Кутманова кызматтан алынып, анын ордуна Мелис Тургунбаев министрдин милдетин аткаруучу болуп дайындалган.
1982-жылы туулган Тургунбаев экономика илимдеринин доктору. Ал 2003-жылы Борбор Азиядагы Америка университетин, 2005-жылы Япониядагы саясат изилдөө институтун, 2023-жылы Лондон бизнес мектебин бүтүргөн. Эл аралык мамилелер, экономикалык саясат боюнча адис.
2002-2005-жылдары Финансы министрлигинде, 2006-2019-жылдары "Газпромнефть Азия" ишканасында иштеген.
2013-2021-жылдары "Кыргызнефтегаз" ишканасында директорлор кеңешинин мүчөсү, төрагасы, 2021-жылы KICB Банкында директорлор кеңешинин мүчөсү болгон.
