Кыргызстан кылмыштуулуктун деңгээли жогору өлкөлөрдүн катарында кирди

Кыргызстан дүйнөдөгү кылмыштуулуктун деңгээли жогору өлкөлөрдүн катарына кирди. Бул тууралуу World Population Review порталы сунуштаган рейтингде айтылат.

Дүйнөдө кылмыштуулуктун деңгээли эң жогору болгондорго Венесуэла, Папуа-Жаңы Гвинея, Түштүк Африка, Афганистан жана Гондурас кирет. Алардан кийин Тринидад жана Тобаго, Гайана, Сальвадор, Бразилия жана Ямайка турат.

Кыргызстан бул рейтингде 31-орунда, Колумбия (30-орун) менен Уганда (32-орун) ортосунда. Маалым болгондой, өлкөдө 1000 адамга 56 кылмыш туура келет.

Ошондой эле Кыргызстан Борбор Азия өлкөлөрүнүн ичинен кылмыштуулук боюнча рейтингде биринчи орунда турат. Казакстан 40-сапта, Өзбекстан 99-орунда. Рейтингге Тажикстан менен Түркмөнстан кирген эмес. Ошол эле учурда КМШ өлкөлөрүнүн ичинен Беларусь кылмыштуулук боюнча биринчи сапта турат (24-орун).

Эске салсак, Numbeo аналитикалык агенттиги жарыялаган дагы бир рейтингде Кыргызстан кылмыштуулук индекси боюнча 142 өлкөнүн ичинен 38-орунду ээлеген. Анын авторлору белгилегендей, Кыргызстандын аймагында кылмыштуулуктун орточо деңгээли бар. Казакстан дүйнөлүк индексте 48-орунда. Өзбекстан 104-сапта жайгашкан.