Кыргызстан Россиядан МИ-17 тик учагын сатып алды
Кыргызстан Россиядан МИ-17 тик учагын сатып алды. Коргоо министрлигинен кабарлашкандай, бүгүн, 23-июнда Коргоо министрлиги менен Россия Федерациясынын "Рособронэкспорт" АКнун ортосундагы түзүлгөн контракттын негизинде тик учакты өткөрүп берүү аземи болду.
Иш-чарага Кыргыз Республикасынын коргоо министри Б. Бекболотов, "Рособронэкспорттун" Казань тик учак заводунун өкүлдөрү, ошондой эле Кыргыз Республикасынын Куралдуу Күчтөрүнүн Абадан кол салуудан коргоо күчтөрүнүн командачылыгы жана өздүк курамы катышты.
Учуучу техника Кыргыз Республикасына Ил-76 учагы менен жеткирилип, Казань тик учак заводунун өкүлдөрү тарабынан чогултулуп, учкуч-сыноочулар учууларды өткөрүшкөн.
Аталган техниканы сатып алуу үчүн акча каражаты республикалык бюджеттен бөлүнгөн.
