Самолётто биринчи жолу учкандар үчүн нускама
Учактагы биринчи учуу күтүүлөр менен чындыктын дал келбегендигинен улам адам толкунданып, коркушу мүмкүн.
Бирок, эгер сиз учууга туура даярдансаңыз, корко турган эч нерсе болбойт. Travel Rambler порталы биринчи жолу учак менен учкандар үчүн нускамаларды жарыялады.
Буюмдарыңды туура чогултуу керек
Кабинага кичинекей рюкзак же кол сумка алып барсаңыз болот, бирок чемоданыңызды тапшырышыңыз керек болот. Андыктан китептерди, планшеттерди, ноутбуктарды жана башка гаджеттерди рюкзакка салуу керек.
Документтерди жаныңызда сактаңыз
Документтериңизди: паспортуңузду жана билетиңизди сактай турган кичинекей сумкаңыз же коопсуз чөнтөгүңүз болгону жакшы. Аларды уурдап кетпеши үчүн эмес, аэропорттун кызматкерлерине убагында берүү үчүн жаныңызда кармашыңыз керек. Сизге паспортуңуз жана билетиңиз каттоодо, паспорттук контролдо жана учуу алдындагы текшерүүдө керек болот.
Башка жүргүнчүлөргө ыңгайсыздык жаратпаңыз
Күтүү залынын аймагына барганда түртүшпөгөнгө аракет кылыңыз, документтериңизди тез көрсөтүп, кезекке токтоо туруңуз. Аэропорттун кызматкерлеринин көрсөтмөлөрүнө баш ийип, белгилер боюнча жүрүңүз.
Тыюу салынган нерселерди кылбаңыз
Аэропорттун имаратына бир бөтөлкө суу алып келсеңиз болот, бирок сиз аны менен учуу аймагына кире албайсыз.
