Блогер Арген (Sigma) жана ырчы Омар Матраимов менен түшкөн сүрөткө комментарий беришти

Буга чейин социалдык тармактарда муфтияттын жаңы имаратынын ачылышында Райымбек Матраимов менен сүрөткө түшкөн блоггерлер сынга алынган. Алардын арасында Сигма деген каймана ат менен жаш блогер Арген Керимов жана ырчы Омар болгон.

Арген Керимов Kaktus.kg сайтына курган маегинде Кыргызстандын муфтияты үчүн имаратты ким салганын билбей турганын билдирди.

"Биринчиден айта кетейин, мен саясатты түшүнбөйм, бизге муфтияттын имараты ачылып жатат деп айтышты, мен жеке өзүмдүн билдирүүмдө Матраимовду айтпай, муфтият тууралуу гана жазып чыктым. Блогерлер Аскат жана Байэл жанымда болчу, алар да ал жөнүндө эч нерсе жазышкан жок, бизден топ менен сүрөткө түшүүнү суранышты, макул болдук", - деп комментарий берди.

Арген аны жаңы имараттын ачылышына эч ким чакырбаганын жана бул тууралуу досунан укканын түшүндүрдү. Мындан тышкары, ал Матраимовдун фамилиясын укканын, бирок анын ким экенин билбестигин кошумчалады.

"Мен саясатта эч нерсени түшүнбөйм. Чынын айтсам, ал жакка барганыма өкүндүм. Себеби көп комментарийлер терс болуп жатат", - деди ал.

Өз кезегинде Омар коридордо Матраимов менен болгон кадрларга кокусунан түшүп калганын белгиледи.

"Ачылышка муфтияттын жеке чакыруусу менен баргам. Андай жагдай бар экенин билген эмесмин, ошол жакта ырдайм деп ойлогом. Хейт абдан күчтүү, катамды мойнума алам. Бирок, өкүнбөйм, анткени мен муфтияттын жаңы имаратына сүйүнүүнү гана максат кылганмын. Имарат кимдин акчасына салынганы боюнча менде маалымат жок болчу. Ал (Матраимов) жанынан өтүп баратып сүрөткө түшүүнү сунуштады. Бирок аны бирөө видеого тартып алган", - деп түшүндүрдү ырчы.

Ырчы Матраимовду майрамдарда гана көргөнүн кошумчалады.