"Үйүбүздөн кууп жатышат." "Квартал стройдун" үлүшчүлөрү Камчыбек Ташиевге кайрылышты
"Квартал Строй" ЖЧКсы менен келишим түзгөн үлүшчүлөр Kaktus.media сайтынын редакциясына кайрылышкан. Алар "Нур-Жаннат ЛТД" аталышындагы дагы бир курулуш компаниясы курулган үйгө көчүп кирген адамдардан батирлерди бошотуп коюусун талап кылып жатканын айтышты.
Үйдү ким курган?
Объект даректе жайгашкан: Сүйөркулова көчөсү, 16/1 дарегинде жайгашкан. Буга чейин 60тан ашык тургун бир нече жолу нааразычылык акцияга чыгышкан. Тургундардын бири Рыскул Сыргак уулу батирди кимден сатып алганын айтып берди.
"Мен батирди 2021-жылы май айында сатып алгам. Имарат даяр болуп эле калган. Курулуп жаткан объектинин планын ошол эле жылдын октябрь-ноябрь айларында беребиз деп убада кылышкан. 2022-жылы ушул 50 чарчы метр деп бул жерден Асыл Талиповадан алгам. Бул жерге мен келгенде эл бар болчу. Баары эле. Мага батирди саткан Асыл Талипова жумуштун баарын бүтүрүп жаткан. Жумушу аябай жакшы болуп жаткан", - дейт ал.
Батирлерди Асыл Талипова эле эмес, айрым ортомчулар да саткан. Айрым тургундар батирлерди курулуш иштерин жүргүзгөн адамдардан сатып алышкан.
"Асыл Талипова - бул "Квартал строй" компаниясынын директору. Көпчүлүгү ошол айымдан сатып алышкан. Ошондой эле, үлүшчүлөрдүн жарымы батирлерди ортомчулар аркылуу сатып алышкан. Ал ортомчулардын дээрлик бардыгынын окуялары бири-бирине окшош. Алар бул жерде кадимки подряддык жумуштарды аткарышкан. Кимдир бирөөсү терезе койсо, экинчиси бетон куйган а үчүнчүсү кыш ташыган. Менин ортомчум тууралуу айта турган болсом, ал батирди сатууга буйрук бергендерин шылтоо кылууда. Бакыт Исмаилов жаңылбасам "Оргтехстрой" компаниясынын жетекчиси. Ал ошондой эле Асыл Талиповага түртүп жатат. Сыягы "алар менин жетекчилерим, алар батирди сат дешти - мен саттым" деген шылтоону айтууда. Тагыраагы, анын версиясы өзгөрүп жатат", - дешти алар.
Сыргак уулу жана башка үйдүн тургундары УКМКнын башчысы Камчыбек Ташиевден жардам сурап кайрылышат.
"Бизди үйүбүздөн кууп жатышат, бул биздин менчигибиз эмес деп жатышат. Эмне кылабыз? Мен бул батирди алуу үчүн баарын саттым. Эгерде бизди кууп чыгышса, кичинекей бала менен барар жерибиз жок", - деди ал.
Кимдин жери?
Батир ээлери Асыл Талипова менен келишим түзгөн. Кийинчерээк бул жерди "Нур-Жаннат ЛТД" компаниясы бизнес-борбор куруу үчүн ижарага алганы белгилүү болду. Курулуш учурунда бул тууралуу сатып алуучулар билишкен эмес.
"Объект корголуп турат экен. Күзөтчүлөр келип жатышкан. Баары эле сонун болчу. Жарнамадан, "Лалафодон" көргөм. Бүт жерде эле бар болчу. Жумуш жакшы эле кетип жаткан. Мына, бүтүрөбүз-бүтүрөбүз деп 2022-жылы эле бул жакка көчүп келип, үйдүн ичин өзүм жасап кирдим. Кирдим, үйлөндүм. Дагы деле жашап жатабыз. Бир жарым жылдан кийин эле "Нуржаннат ЛТД" деген компания келип жатат.
Анан, албетте ызы-чуу башталды. Биз бардыгыбыз арыз жаза баштадык. Себеби, "Нуржаннат ЛТД" деген компания пайда боло калды.
Алар келип, бул имарат аларга тиешелүү экенин айтып жатышат. Биз ошондон бери "Квартал стройго" арыз жазып баштадык. Себеби, биз алгач "Нуржаннат ЛТДнын" эч кандай тишешеси жок экенине ишенип алганбыз", - деп түшүндүрүштү үлүшчүлөр.
Үлүшчүлөр Бишкек шаарынын мэри Айбек Жунушалиев имаратты 1-мартка чейин бошотууну талап кылганын айтышууда.
"Борбордун мэри бизге келип, карап көрүп, бул турак жай эмес экенин, анын айтымында, кооптуу жер үйдүн артында унаа токтотуучу жай бар, макети боюнча бизнес борбору экенин айтты. Биринчи үч кабат бизнес үчүн, калгандары турак-жай сыяктуу, эмне үчүн соттун чечими чыккыча бул жерден көчүшүбүз керек, акчаны бизге ким кайтарат?" - деп нааразы болушууда алар.
Калаа башчынын айтымында, тургундар буга чейин имараттан чыгып кетиши керек болчу. Бирок, кыштын суугунда убактылуу баш калкалап турсун деп, тийишкен эмес.
Үлүшчүлөр бийликти маселеге көңүл бурууга чакырып, батирлерин аларга калтырууну суранышууда
Соттук териштирүү
Үлүшчүлөр "Квартал строй" компаниясынын үстүнөн милицияга арыз жазышкан. Компаниянын ээси Асыл Талипова кармалды. Ал камакта. Учурда Октябрь райондук сотунда процесс уланып жатат.
"Нур-Жаннат ЛТД" эмне дейт?
Kaktus.media "Нур-Жаннат ЛТД" компаниясынын өкүлдөрү менен байланышууга аракет кылды, бирок алар байланышка чыккан жок. Редакция бул маселе боюнча алардын позициясын угууга даяр.
Мэрия эмне дейт?
Бишкек шаардык мэриясынын басма сөз кызматы билдиргендей, мэр Айбек Жунушалиев Сүйөркулов көчөдө жайгашкан имараттын тургундары менен жолугушту.
"Бишкек шаарынын мэриясына Сүйөркулов, 16/1 дарегиндеги үйдүн жашоочулары турак жай катары колдонулуп жаткан 9 кабаттуу үйдүн (соода борбору) маселесин чечип берүү өтүнүчү менен кайрылышкан.
Бишкек шаарынын мэри Айбек Жунушалиев жогорудагы имараттын тургундары менен жолугушту.
Жыйынга Октябрь районунун акими Жаныбек Орозалиев, укук коргоо органдарынын өкүлдөрү, Бишкек шаары боюнча мамлекеттик архитектура-курулуш көзөмөл башкармалыгынын башчысы Самат Тиллебаев катышты.
Учурда 9 кабаттуу мекеменин (69 кызматтык жай) эксплуатацияланышы мыйзамсыз жүргүзүлүүдө. "Нур-Жаннат ЛТД" ЖЧКсы куруп жаткан имаратта мыйзамсыз жашоо фактысы боюнча соттук териштирүүлөр уланууда", - деп айтылат мэриянын маалыматында.
Кошумчалай кетсек, борбор калаанын муниципалитети маалымдагандай, жолугушууда мэр Айбек Жунушалиев Кыргызстандын мыйзамдарын сактоо зарылдыгын жана мындай кырдаалда ар бир тараптын жоопкерчилигин белгиледи.
"Мэр тургундарга имараттын пайдаланууга бериле электигин, техникалык коопсуздук талаптарына жооп бербегенин, турак жай курууга зарыл болгон инфраструктурасы жок экенин түшүндүрүп, 1-кабатын толугу менен, ошондой эле 2-4-кабаттардын жарымы, коммерциялык сатууга ылайыкташтырылган 24 бөлмө жайгашканын айткан. 5-кабаттан 9-кабатка чейин 45 кызматтык жай курулган. Бүгүнкү күндө 69 жайдын бардыгында жашоочулар жашашат, башкача айтканда алар бул объектти турак жай катары пайдаланып жатышат. Бишкек шаары боюнча мамлекеттик архитектура-курулуш көзөмөл башкармалыгы 2024-жылдын 1-мартына чейин объектти пайдаланууга берүү боюнча шаар тургундарына билдирүү жөнөттү", - деп түшүндүрүштү башкармалык.
Белгилей кетсек, 2016-жылдын 25-февралындагы жерди ижарага алуу келишимине ылайык, 0,121 гектар жер тилкеси "Араб Инвестмент Компани" ЖЧКсына 49 жылдык мөөнөткө Сүйөркулова көчөсүндөгү имараттында соода комплексин куруу, убактылуу пайдаланууга жана долбоорлоо үчүн берилген.
Жогоруда аталган компания тарабынан 2016-жылдын 13-декабрында "Сүйөркулов көчөсүндөгү 7 кабаттуу соода борбору" долбоорун иштеп чыгуу боюнча архитектуралык-пландоо шарттары иштелип чыккан.
Мындан тышкары, 2017-жылдын 4-мартында 9 кабаттуу соода комплексинин инженердик-техникалык тармактарынын долбоорун иштеп чыгууга берилген.
2018-жылы "Араб Инвестмент Компани" ЖЧКсы Кыргыз Республикасынын Юстиция министрлигинин буйругунун негизинде "Нур-Жаннат ЛТД" ЖЧКсы болуп өзгөртүлгөн.
