Кыргызстанда электрондук айдоочулук күбөлүк берилет. Бул идея сизге жактыбы?
Министрлер кабинети электрондук айдоочулук күбөлүктү киргизүүнү пландаштырууда. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгынын башчысынын орун басары Ыманалы Саркулов бүгүн, 31-майда парламенттин бюджет жана финансы боюнча комитетинин отурумунда билдирди.
Жол эрежелерин бузгандыгы үчүн айып пулдун көлөмүн кыскартуучу Бузуулар кодексине өзгөртүүлөрдү киргизүү жөнүндө мыйзам долбоорун талкуулоо учурунда депутат Марлен Маматалиев айдоочулук күбөлүгүн унутуп калган айдоочуларга айып пул салынабы деп собол салды.
"Планшеттен эле айдоочулук күбөлүгү бар экендигин жана алар чындап унутуп калгандыгын көрүүгө болобу?" - деп Мамбеталиевден кызыгып сурады.
Саркулов министрлер кабинети электрондук укуктарды жана автоунааларды каттоонун электрондук күбөлүктөрүн киргизүүнү көздөп жатат, бирок бул үчүн Мамлекеттик каттоо кызматы менен базаны толугу менен тактоо керек деп жооп берди.
"Эми биз бардык маалыматтарды бир жерге чогултушубуз керек, күбөлүктөр кимге жана качан берилген, алар кандай категорияга ээ. Бул иш бүтөрү менен электрондук документтер киргизилет", - деди Жол кайгуул кызматынын башчысынын орун басары.
Электрондук айдоочулук күбөлүгүн киргизүү идеясы сизге жактыбы? Комментарийге өз оюңуз менен бөлүшүңүз.
