Ысык-Көлдө аба-ырайы кандай? (фото, видео)
Бүгүн Балыкчыда, Кескен-Бел ашуусунда, Кара-Талаа жана Оттук айылында нөшөрлөгөн жаан жаап, кыян жүрдү.
Ысык-Көл облусундагы азыркы аба-ырайы тууралуу окурмандарыбыз айтып беришти. Алардын айтымында, айрым райондордо, маселен, Балыкчыдан тартып Бостери айылына чейин дагы деле төгүп жатат.
"Биз азыр Караколдобуз, жаан тынбай жаап жатат", - деп окурман билдирди.
Чолпон-Атада жаан токтоп күн ачылды.
Бөкөнбаев айылында күн бүркөлүп турат.
Ал эми Жети-Өгүз районунун Кызыл-Суу айылында шамаал булуттарды айдап, күн тийген.
Григорьев капчыгайында күн ачык.
Саруу айылында, түн ортосунан түшкө чейин жаан бир калыпта жаады. Учурда салкын жел жүрүп жатат.
Чок-Талда күндүн көзү ачыла элек.
Дем алыш күндөрү Ысык-Көл облусунда аба-ырайы кандай болот?
30-31-июлда облустун көпчүлүк аймагында жаан жаап, күн күркүрөйт. Бийик тоолуу аймактарга кар түшөт.
31-июль күнү күндүз мезгил-мезгили менен жаан жаашы күтүлөт.
1-августта, түнкүсүн асман ачык болот. Ал эми күндүз, тоолу аймактарга жаан жаайт.
