"Чимкирик", "Теке"... Партиялардын жана талапкерлердин чыгармачыл банерлери. Сүрөттөр

Парламенттик шайлоо 28-ноябрда өтөт. Бул шайлоо өнөктүгү былтыркыдай активдүү эмес. Бирок, ага карабастан талапкерлер мүмкүн болушунча шайлоочулардын көңүлүн бурууга аракет кылууда.

"Эл үмүтү"

"Эл үмүтү" партиясы бардык шаблондорду бузууну чечти окшойт. Алар өз сөзүндө "чимкирик парламент" деген сөздү активдүү колдонууда. Алтургай өздөрүнүн партиясын "чимкириктин дабасы" деп жарыялап жатышат.

"Эл үмүтү" партиясы

"Жаштар ийилет, бирок сынбайт" деген жазуусу бар баннерди да жасашты. Мүмкүн, жаратуучулар позитивдүү маанида айтышкандыр, бирок жарандык жаш активисттердин акыркы нааразычылыктарынан кийин бул билдирүү таң калтырды.

"Ата Мекен"

Партия болгон активдүү нерсени пайдаланууну чечти. Жада калса рэперлер Бегиш менен Баястандын "Теке" ырынын саптарын партиянын лидери Өмүрбек Текебаевдин лакап атына ылайыкташтырышкан. Натыйжада ушундай "ремейк" пайда болду.

Социал-демократтар

Алмазбек Атамбаев камакта болгону менен дагы эле таасирдүү саясатчы жана Ньюсмейкер бойдон калууда. Социал-демократтар анын имиджин колдонууну чечишти.

"Социал-демократтардын" үгүт баннери

Жаныбек Абиров

Каалап добуш берүү үчүн убада бере турган көп нерселер бар. Жаш Жаныбек Абиров ушул ыкманы колдонууну чечти. Акциянын жүрүшүндө ал Арча-Бешиктин жолдорун жакшыртуу боюнча иш алып барарын билдирди. Бирок, бул сөз эмне үчүн БГКда сүйлөгөн сөзүндө айтылган жок, түшүнүксүз.

Тазабек Икрамов

Кыска-нуска! Тазабек Икрамов шайлоочуларга кайрылуусун мүмкүн болушунча жөнөкөй жана кыска кылды. Анын шайлоо алдындагы урааны "Тазасы бар Тазабек Икрамов".

Тазабек Икрамовдун банери

Дастан Бекешев

Дастан Бекешевдин чыгармачылык өнөктөштөрү бар. Ал адаттан тыш жайларда банерчелерди коюп, Instagram, TikTok тармактарында активдүү. Андан сыркары анын "Мен чындыкты көрөм" деген лозунгу интернетте популярдуу болуп калды.

Шаршенбек Абдыкеримов

Шайлоочуларды таң калтыруу кыйын. Бирок, Шаршенбек Абдыкеримов дагы деле өзүнүн кадыр-баркы мүмкүн болгон нерсенин баарын жасап жатат. Тактап айтканда ал улуу кызына күйөө издеп талапкерлерге кастинг жарыялады. Мындай пиар бир нече күн бою интернетте талкуунун негизги темасына айланды. Абдыкеримовдун өзүнө карата бир топ сындар айтылып, талапкер тууралуу сөз боло баштады. Эмне болот, аны убакыт көрсөтөт.

Абтандил Кулбараков

Бардык жерге банерлер илинип бүтү, бош жер калбады? Албетте, үйдүн чатыры гана калды. Ал жерден бул баннер шайлоочунун көңүлүн бура алышы күмөн. Бирок, ал жок дегенде чатырдан суунун өтүп кетишинен сөзсүз сактайт.

Материал дагы толукталат.

Шайлоого 21 партия катышууда:

• "Ата Мекен".
• "Бүтүн Кыргызстан".
• "Альянс".
• "Мыйзамдаштыруу".
• "Ыйман Нуру".
• "Күчтүү регион".
• Кыргызстан либералдык-демократиялык партиясы "Багыт".
• "Ынтымак".
• "Ишеним".
• "Азаттык".
• "Мекенчил Эл".
• Кыргызстан Жашылдар партиясы.
• "Жашасын Кыргызстан".
• "Социал-демократтар".
• "Аруузат - Эл куту".
• Кыргызстан биримдик патриоттук партиясы.
• "Улуттар биримдиги".
• "Эл умуту".
• "Ордо".
• "Улуу-Журт".
• "Ата Журт Кыргызстан".

Ал эми бир мандаттуу шайлоо округдарынан талапкерлердин толук тизмеси бул жерде жарыяланган.