Ысык-Ата районунда жылкы уурдоого шектүүлөр кармалды
Ысык-Ата районунда бир баш жылкы уурдоого шектүүлөр камалышкан. Маалыматты Чүй облусунун ШИИБсинин басма сөз кызматы берди.
2021-жылдын 10-декабрь күнү Ысык-Ата РИИБсине 1995жылы туулган С.К. арыз менен кайрылып, Ак-Сай айылында жайгашкан жайлоосунан белгисиз бирөөлөр 1 баш жылкысын уурдап кеткенин билдирген.
Бул факты кылмыштардын бирдиктүү реестрине Кыргыз Республикасынын Жазык кодексинин 205-беренеси (Уурдоо) боюнча катталып, сотко чейинки өндүрүш иштери башталган.
Чүй облусунун ИИББсинин жана Ысык-Ата РИИБсинин криминалдык милиция кызматкерлери тарабынан жүргүзүлгөн ыкчам иш-чаралардын натыйжасында жогорудагы кылмышка шектелип, 2000-жылы туулган Ж.А. жана 2001-жылы туулган А.А. аттуулар кармалышып, убактылуу кармоочу жайга камакка алынышкан. Сотко чейинки өндүрүш иштери улантылууда.
