Афганистанда кудукка түшүп кеткен бала каза болду
Афганистанда он жашар баланы терең кудуктан чыгаруу операциясы жыйынтыкталды. Бул тууралуу Daily Mail басылмасы жазды.
"Талибан" террористик топтун саясий кеңсесинин өкүлү Анас Хаккани "Тилекке каршы, Хайдар бөбөктөн түбөлүккө айрылдык. Биздин өлкө бүгүн терең кайгыруу менен аза тартып жатат", - деп твиттерге жазган.
د هيواد محبوب وزير دفاع مولوي محمد يعقوب مجاهد او د سولې سفیر انس حقاني زابل ته رسیدلي او د حيدر د ژغورنې عمليات له نژدې څاري او د دې انتظار باسی چي ماشوم تر خپلې مورکۍ سالم ورسوي.#حيدر_وژغورئ pic.twitter.com/mcUzfCzTg3
— Ahmadullah wasiq (@WasiqAhmadullah) February 17, 2022
Daily Mail басылмасынын маалыматы боюнча куткаруучулар күнү-түнү иштеп, акыры Хайдарды чыгарышкан. Бирок ал эсин жоготкон абалда болчу. Аны тик учак менен Кабулдагы ооруканага жеткиришмек.
Операция жыйынтыкталып, баланы чыгарганда ал дем албай калган. Медиктер ага кычкылтек берип, тик учакка салып жаткан учурда үзүлдү", - деп жергиликтүү полиция өкүлү маалымдады.
Буга чейин Мароккодо, беш жаштагы Раян 30-метрлик кудукка түшуп кеткен. Раянды беш күндөн кийин алып чыгышкан. Тилекке каршы, өтө кеч болуп калган. Аны ооруканага тез жардам менен алып бараткан учурда каза болгон.
