Финполициянын мурунку жетекчилеринин бири Жамгырчиев "Кукушканы" ырдады. Видео
Экономикалык кылмыштуулукка каршы күрөшүү мамлекеттик кызматынын жетекчисинин экс-орун басары Эмил Жамгырчиев Ата мекенди коргоочулар күну менен куттуктап Виктор Цойдун ырын аткары.
Жамгырчиев "Кукушка" деген ырды Самат Дөөлөтбаков менен биргеликте ырдаган.
"Саламатсыздарбы урматтуу мекендештерим, урматтуу досторум. Сиздерди 23-февраль, Ата мекенди коргоо күнү менен чын жүрөктөн куттуктайм. Мамлекетибизди көздүн карегиндей сактап, ар дайым эр жүрөктүүлүктүн, намыскөйлүктүн, тайманбастыктын үлгүсү болуп жүрө беришиңизге мен тилектешмин", - деп мурунку чиновник кыргызстандыктарды куттуктады.
Эске салсак, буга чейин Эмил Жамгырчиев менен Бактыбек Калмуратов контрабанда кылмыш ишин оң тарапка чечип берүү үчүн бизнесменден акча өндүргөн деп айыпталган. 2021-жылдын февралында 20 миллион сом өлчөмүндө мамлекетке келтирген зыяндын ордун толтурушкан. Эки айыпталуучу тең үй камагына бошотулган болчу. Сот учурунда жабырлануучу Эмил Эмилканов айыпталуучуларга болгон доосунан баш тарткан.
