Бишкек менен Москвадагы азык-түлүктүн бааларын салыштырабыз. Кайсы жерде арзаныраак?
Өткөн жылы Кыргызстанда азык-түлүккө болгон баалар кескин көтөрүлдү. Өзгөчө уйдун эти, суу май кымбаттаган. Ошол эле учурда, айлык акынын көлөмү өзгөргөн жок.
Азык-түлүккө баалардын көтөрүлүшү валютанын курсунун жогорулашы, саясий туруксуздук жана коронавирустук инфекциянын жайылышынан улам азык-түлүктү жеткирүүдөгү көйгөйлөргө байланыштуу.
Азык-түлүктүн кымбатташы башка өлкөлөрдө да байкалууда, анын ичинде Россияда дагы. Бирок Россиянын өкмөтү калкты колдоо максатында эң керектүу азыктарга бааларды тоңдуруп койду.
Kaktus.media'нын редакциясы Бишкектеги жана Москвадагы азык-түлүктүн бааларын салыштырды.
Борбор шаарлардагы баалар
Москва менен Бишкектеги жашоо деңгээлин салыштырып болбойт. 2020-жылдын жыйынтыгы менен Россиянын борбор шаарындагы орто айлык, сомго которгондо 60 000 сомго тете. Эгер Улуттук статкомдун берген маалыматына таяна турган болсок, бишкектиктердин орто айлыгы бул суммадан үч эсе төмөн - 20 000 сом.
Бирок бир топ азык-түлүк товарлары Москвада Бишкекке салыштырмалуу арзан. Мисалы тооктун эти, суу май, гречка, кумшекер, ун ж.б.
Азык түлүккө баалар кандайча өскөн
Акыркы 10 жылда Кыргызстанда азык-түлүккө болгон баалар 50%га жогорулаган. Эт, ун, нан, кесме жана картошканын баасы да көтөрүлдү.
