"XXI кылымдын тозогу". Украинадагы согуштун 39-күнү

"Би-би-синин" орус кызматы, Meduza жана башка басылмалар акыркы бир күндө Украинада кандай окуялар болгонун айтып бериишти. Согуштун 39-күнү.

Тема боюнча:

Өлүктөргө толгон көчөлөр. Киевдеги коркунучтуу сүрөттөр

• Киев облусунан россиялык аскерлер кеткенден кийин көптөгөн өлүктөр табылган. Украиналык маалымат каражаттары билдиргендей, булар россиялык аскерлер өлтүрүп кеткен жөнөкөй жарандар.
• Зеленскийдин кеңсеси Киевден россиялык аскерлер чыгып кеткенден кийинки көрүнүштү "XXI кылымдын тозогу" деп атады. Владимир Зеленский Россия аскерине "киши өлтүргүчтөр, марадерлер, баш кесерлер" деген аныктама берди.
• Россиянын коргоо министрлиги Буча шаарындагы сүрөттөрдүн бардыгы атайын жасалып тартылган (постановочное фото) деп атап, россиялык аскерлер ал жерде болгон учурда бир да жөнөкөй жаран жабыркаган эмес, деп жар салды.
• РФтин коргоо министрлиги Одесса шаарына чабуул салды. Натыйжасында нефть иштетүүчү завод жана күйүүчү-майлоочу материалдарды сактоочу үч жай талкаланды.
• Литва, Латвия жана Эстония Россия газын импорттоодон толугу менен баш тартты.
• Россия Киев сунуштаган тынчтык жолу менен жөнгө салуу долбоорун оозеки түрдө кабыл алды. Бирок Крым боюнча бир пикирге келе алган жокпуз, - деп Россия менен сүйлөшүүлөрдө украиналык делегациясынын жетекчиси Давид Арахамия билдирди.
• Анын айтымында, НАТОнун үч өлкөсү Украинанын Россия менен сүйлөшүүлөрдү жүргүзүүдө коопсуздугуна гарант-өлкө болуп берүүгө макулдугун беришкен. Алар Түркия, Германия жана Италия.
• Улуу Британиянын премьер-министри Борис Джонсон бул жумада Германиянын канцлери Олаф Шольц менен жолугат. Ал Россияга каршы санкцияларды күчөтүүнү сурана турганы белгилүү болду.
• Германиянын коргоо министри Евробиримдиктен толугу менен россиялык газдан баш тартууну сунуштады.