Россияда өз жанын кыюга үндөгөн көпүрө пайда болду
Москвадагы Смоленский метро көпүрөсүндө орустарды өзүн-өзү өлтүрүүгө үндөгөн жазуу пайда болду. Бул тууралуу жергиликтүү басылмалар жазып чыкты.
"Крым көпүрөсүнүн жардырылышына кубансаң менден секир",- жеп жазылат анда.
Белгилей кетсек, бул кулактандыруу мыйзамсыз болуп эсептелет. Анткени ал адамдарды өз жанын кыюуга үндөйт. Ал эми Россия Федерациясынын Кылмыш-жаза кодексинин 110.1-беренесине ылайык суицидге түрткөн же үндөгөндөрдөр жазага тартылат.
Эске салсак, 8-октябрда Крым көпүрөсүнүн темир жолунда жарылуу болуп, көпүрөдөгү жолдун бир бөлүгү урап түшкөн. Маалыматтарга ылайык, курман болгондор бар.
Ал эми 9-октябрда Россия Федерациясынын президенти бул көпүрөнү Украинанын атайын кызматтары жардырды деп айыптады.
Ушул себеп болуп, 10-октябрда Россия Украинага ири ракеталык сокку урду. Бул Крым көпүрөсү үчүн өч алуу экенин Путин өзү да мойнуна алган.
