Эки күндүн ичинде Кыргызстанда үч ирет жер титиреди
Эки күндүн ичинде Кыргызстанда үч ирет жер титиреди. Бул тууралуу Кыргызстандын Сейсмология институту маалымдайт.
Белгилүү болгондой, 21-ноябрда саат 19:34тө Ош облусунун аймагында очогунда күчү 3,5 баллга жеткен жер титирөө катталган. Жер титирөө Алай районунун Сары-Могол, Талды-Суу айылдарында 3,5 балл, Чоң-Алай районунун Кашка-Суу айылында, Кара-Кабак айылында, Алай районунун Арча-Булак айылында 3 баллга чейин сезилген.
Экинчи жер титирөө 22-ноябрда саат 03:26да Ысык-Көл облусунун аймагында катталып, очогунда күчү 3,5 баллга жеткен. Жер титирөө Ак-Суу районунун Ак-Булун, Совет айылдарында 3,5 балл, Нововознесеновка, Жыргалаң, Боз-Учук, Качыбек, Ак-Булак айылдарында, Түп районунун Сары-Телегей айылында 3 балл, Токтоян, Кең-Суу, Каркыра айылдарында, Ак-Суу районунун Ичке-Жергез, Отрадное айылдарында 2,5 баллга чейин сезилген.
Үчүнчү жер титирөө да Ысык-Көл облусунун аймагында саат 04:34тө катталып, очогунда күчү 3 баллга жеткен (афтершок). Жер титирөө Ак-Суу районунун Совет, Кызыл- айылында 3 балл, Ак-Чий, Ак-Булак, Нововознесеновка, Ак-Булуң айылдарында, Түп районунун Сары-Телегей айылында 2,5 баллга чейин сезилген. Алдын ала маалымат боюнча, жер титирөөлөрдөн жабыркагандар жана кыйроолор катталган жок.
